کورونا کی تیسری لہر سے مزید 27 جانیں چلی گئیں، 979 نئے مریضوں کا اضافہ

اسلام آباد: (ویب ڈیسک) کورونا وائرس سے 27 افراد جاں بحق ہوگئے، جس کے بعد اموات کی تعداد 22 ہزار 281 ہوگئی۔ پاکستان میں کورونا کے تصدیق شدہ کیسز کی تعداد 9 لاکھ 57 ہزار 371 ہوگئی۔
نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 979 نئے کیسز رپورٹ ہوئے، پنجاب میں 3 لاکھ 46 ہزار 180، سندھ میں 3 لاکھ 37 ہزار 52، خیبر پختونخوا میں ایک لاکھ 37 ہزار 951، بلوچستان میں 27 ہزار 145، گلگت بلتستان میں 6 ہزار 98، اسلام آباد میں 82 ہزار 652 جبکہ آزاد کشمیر میں 20 ہزار 293 کیسز رپورٹ ہوئے۔