شہباز شریف کا بلاول بھٹو کو فون، ملکی سیاسی صورت حال پر تبادلہ خیال

اسلام آباد: قائد حزب اختلاف شہباز شریف نے چیئرمین پیپلزپارٹی بلاول بھٹو کو فون کیا، دونوں رہنماؤں نے ملکی سیاسی صورت حال پر تبادلہ خیال کیا۔
بلاول بھٹو اور شہباز شریف کے درمیان ملک میں بدترین مہنگائی کے بعد عوامی مسائل کے حوالے سے بھی گفتگو ہوئی۔ دونوں رہنماؤں نے پارلیمان میں اپوزیشن کی مشترکہ حکمت عملی کے حوالے سے بھی بات چیت کی۔ بلاول بھٹو نے شہباز شریف سے مکالمہ کرتے ہوئے کہا کہ ریلیف کا لالی پاپ دیکر عوام کو تکلیف میں مبتلا کر دیا۔
چیئرمین پیپلزپارٹی کا کہنا تھا کہ سلیکٹڈ حکومت کا ہر گزرتا دن عوام کے مسائل میں اضافہ کر رہا ہے، مہنگائی سے پی ٹی آئی حکومت کے خلاف عوام کے صبر کا پیمانہ لبریز ہوچکا ہے۔